Яңавыл районына "Сәламәтлек поезды" килде

Автопоезд Старая Орья һәм Зайцево авылларында булды инде, анда яшәүчеләр чиратсыз һәм шәһәргә бармыйча комплекслы тикшерү уза алды.

   Ике көн эчендә 423 кеше ярдәм сорап мөрәҗәгать иткән, алар арасында — СВОда катнашучыларның 12 гаилә әгъзасы. Табиблар 600дән артык тикшерү уздырган, шул исәптән ЭКГ, кан анализлары һәм күз эчендәге басымны үлчәү. Моннан тыш, 82 флюорография, 61 маммография һәм 43 УЗИ-тикшерү башкарылган.

   Тикшерүләр нәтиҗәсендә төрле авыруларга шикләр ачыкланган. Мондый барлык пациентларга алга таба тикшерү һәм дәвалануга юлламалар бирелгән.

   - Эшнең төп максаты – һәр кешегә, бигрәк тә ерак торак пунктларда, медицина ярдәменнән файдалану мөмкинлеген тәэмин итү. Без мондый акцияләргә ихтыяҗ булуын күрәбез һәм тикшерүгә килгән һәркемгә рәхмәт белдерәбез. Вакытында диагностика үтү – җитди авырулар үсешен булдырмау һәм озак еллар сәламәтлекне саклап калу өчен реаль мөмкинлек ул, - ди бу уңайдан Яңавыл үзәк район хастаханәсе баш табибы Илгиз Хатыйпов.

Фото: yanzori.com