Юллар төзекләнә

Башкортстанда 2026 елда «Яшәү өчен уңайлы инфраструктура» милли проекты кысаларында Бәләбәйгә илтүче юлны ремонтлаячаклар. Юлчылар Аксеново-Аксаково-Бәләбәй юнәлешендәге 3,5 км озынлыктагы участокта асфальт-бетон өслекне яңартачаклар. Эшләр Бәләбәй районында башкарылачак.

– Бу юнәлеш Бәләбәй һәм Әлшәй районнарында яшәүчеләрне транспорт белән тәэмин итә. Аларда 130 меңгә якын кеше яши. Бу юлдан зур булмаган авыллар халкы административ үзәккә - Бәләбәй шәһәренә барып җитә ала. Ул шулай ук үзенең борынгы архитектурасы, тарихи биналары, храмнары һәм дини корылмалары белән туристларны җәлеп итә. Бу юлда тәүлегенә 4,5 меңнән артык автомобиль йөри, – дип сөйләде Башкортостан Республикасының Транспорт һәм юл хуҗалыгы министры Любовь Минакова.

Юлның әлеге участогындагы барлык эшләрне 2026 ел ахырына кадәр тәмамлау планлаштырыла. Исегезгә төшерәбез, быел Башкортстанда " Яшәү өчен уңайлы инфраструктура милли проекты буенча 200 км юл һәм 15 күпер ремонтланачак.