Ярдәм сизелерлек булсын

Авылны күтәргән яшьләрнең үзләрен күтәрү мөһим.

80нән артык яшь авыл хуҗалыгы хезмәткәре дәүләт ярдәме алды. Башкортстан АПК предприятиеләрен 2030 елга кадрлар белән 95% ка кадәр туплау буенча «Азык-төлек иминлеген технологик тәэмин итү» илкүләм проектында актив катнаша.

Кичә БР Авыл хуҗалыгы министрлыгында АПКның кадрлар потенциалына ярдәм итүнең төбәк программасында катнашучыларны сайлап алу булды. Сайлап алу конкурсы йомгаклары буенча 81 яшь аграрий дәүләт ярдәме алды.

2026 елда конкурс нигезендә сайлап алуда республиканың агросәнәгать комплексы предприятиеләрендә эшләүче 111 яшь белгеч катнашты.

«Төбәктә яшь аграрийларга ярдәм итү системасы саклануы һәм эзлекле рәвештә гамәлгә ашырылуы мөһим,-дип шәрехләде Хөкүмәт вице — премьеры-БР Авыл хуҗалыгы министры Илшат Фазрахманов. — Бу агросәнәгать комплексына яшьләрне авылда калдыру һәм җәлеп итү мәсьәләләрендә яхшы преференцияләр бирә, хәзерге шартларда бу аеруча мөһим».

Конкурста катнашучыларның барысы да төбәк бюджетыннан бер тапкыр бирелә торган 750 мең сум күләмендә «күтәрү» акчалары алды. "Программаны гамәлгә ашыру тармакның кадрлар составын яңартырга, авыл хуҗалыгы һөнәрләренең абруен күтәрергә һәм авылларны тотрыклы үстерергә ярдәм итә.