Тузлукыш мәктәбендә беренче иҗади мастер-класс үткәрелде

Дәреснең темасы: стильле һәм балкып торган алмаз брелоклар ясау булды. Яшүсмерләр үзләренең фантазияләрен күрсәтә һәм үз куллары белән чын-чынлап уникаль эшләнмәләр ясый алдылар. Чара балаларга иҗади сәләтләрен үстерергә генә түгел, алмаз мозаикасы техникасында эшләү нечкәлекләре белән дә танышырга мөмкинлек бирде. Процесс катнашучыларга иҗади шатлык һәм уртак хезмәтнең илһамландыргыч атмосферасын бүләк итте. Һәр яшүсмер үзе белән матур аксессуар гына түгел, ә үз эшенең нәтиҗәсеннән чын күңелдән канәгатьлек хисе дә алып китте.

- Мондый проектларны гамәлгә ашыру - ул барыннан да элек балаларыбызның киләчәгенә керткән өлеше. Без мәктәптә заманча мохит булдырырга омтылабыз, анда һәр яшүсмер күңеленә хуш килгән шөгыль таба, үз сәләтләрен ача һәм фикердәшләре арасында вакытны файдалы итеп үткәрә алачак, - дип ассызыклады мәктәп директоры Физалия Багъманова.

Фото: Чакмагыш районы хакимияты.