Урман янгыннарын булдырмас өчен

Янгыннар сүндерү буенча өйрәнүләр уза.

Башкортстан урман хуҗалыгы министрлыгы урман янгыннарын сүндерү буенча масштаблы төбәкара өйрәнүләр үткәрәчәк.

Өйрәнүләр сериясе 11 мартта Зианчура урманчылыгы территориясендә башлана. Биредә төбәк хезмәтләре, Ырынбур өлкәсеннән коллегалары белән бергәләп, катлаулы урман янгынын локальләштерү сценариесе буенча өйрәнүләр үтәчәк. Март дәвамында шундый ук комплекслы күнегүләр республиканың башка районнарында да узачак, ул “Экология” гомумдәүләт проектының аерылгысыз өлеше булып тора..

Өйрәнүләр Әбзән, Аскын (Свердловск өлкәсеннән белгечләр җәлеп итеп), Дуван (Чиләбе өлкәсе белән хезмәттәшлектә) һәм Макаров урманчылыклары территорияләрендә планлаштырылган.

Аларга тиешле зоналардагы урман хуҗалыгының барлык бүлекчәләре җәлеп ителәчәк

"Янгын куркынычы сезонына әзерлек – ул безнең һичшиксез өстенлегебез. Бары тик даими күнекмәләр, күнекмәләрне камилләштерү һәм нәтиҗәле төбәкара хезмәттәшлек аша гына без республиканың урман фондын һәм торак пунктларын уттан максималь яклауны тәэмин итә алабыз.

Мондый өйрәнүләр – безнең куркынычсызлык стратегиясенең төп элементы, ул һәр адымны тикшерергә һәм реаль шартларда эшләрнең җайга салынуын гарантияләргә мөмкинлек бирә», - дип ассызыклады Башкортостан Республикасы Урман хуҗалыгы министры Марат Шәрәфетдинов.

Фото: resbash.ru