Социаль хезмәт— әһәмиятле юнәлеш

Төбәктә 3 773 социаль юнәлешле коммерциячел булмаган оешма теркәлгән, шуларның 1 231е СОНКО федераль реестрына кертелгән. Граждан җәмгыяте институтлары шулай ук милли проектларны гамәлгә ашыруга кушыла һәм үз инициативаларын гамәлгә ашыра. Өлкән яшьтәге кешеләргә ярдәм итү - «Гаилә»милли проектының өстенлеге. Бу хакта гражданлык җәмгыяте институтларын үстерү, мәгълүмати сәясәт һәм дин эшләре буенча Дәүләт Җыелышы комитеты утырышында Башкортстанның Гаилә, хезмәт һәм халыкны социаль яклау министры урынбасары Ирина Небогатова хәбәр итте.

Комитетка Башкортстан Республикасының «Социаль юнәлешле коммерциячел булмаган оешмаларга дәүләт ярдәме турында»гы законының үтәлеше турында хисап биргәндә, спикер 2025 елда Башкортстан Республикасы Башлыгы грантлары Фонды 155 конкурс үткәрүен, 498 млн сумлык 196 коммерциячел булмаган оешмага ярдәм итүен сөйләде. 17 муниципалитетта зона ресурс үзәкләре челтәре эшли, ведомствоара хезмәттәшлек җайга салынган.

 — Дәүләт-шәхси партнерлык кысаларында Башкортстанда 132 урынга исәпләнгән 5 шәхси пансионат эшли башлады. 2025 ел нәтиҗәләре буенча Башкортстан коммерцияле булмаган иҗтимагый оешмалары буенча Русия Федерациясе субъектлары рейтингында лидерлык позициясен саклап кала, — дип билгеләп үтте Башкортстанның Гаилә, хезмәт һәм халыкны социаль яклау министры урынбасары Ирина Небогатова.

Фото: Министрлык матбугат хезмәте.