Алар аграр белгечләр әзерли

2026 елда республикада аграр югары уку йорты преподавательләренә һәм агросыйныфлар укытучыларына дәртләндерү түләүләре өчен 9,8 миллион сум юнәлтү күзаллана.

Чара ил җитәкчесе Владимир Путин тарафыннан билгеләнгән “Азык-төлек иминлеген технологик тәэмин итү” милли проектының “Агросәнәгать комплексында кадрлар” федераль проекты кысаларында гамәлгә ашырыла.

Дәүләт ярдәме агросәнәгать комплексы предприятиеләренә агрокласслар укытучыларына һәм уртак проектларда катнашучы югары уку йортларының фәнни-педагогик хезмәткәрләренә кызыксындыру характерындагы түләүләргә киткән чыгымнарның 90 процентын компенсацияләүне күздә тота.

Исегезгә төшерәбез, 2025 елда милли проект буенча стимуллаштыручы түләүләрне Башкорт дәүләт аграр университетының 42 укытучысы алды. Узган ел финанслау күләме 1,4 миллион сум тәшкил иткән.

“Белгечләргә ярдәм белән беррәттән, мәгариф инфраструктурасын үстерү дә дәвам итә. Бу – Башкорт дәүләт аграр университетының өченче уку корпусын ремонтлау һәм җиһазлау, өч мәктәптә агротехнология сыйныфларын булдыру һәм җиһазлау, “Агропрофи” чарасында катнашу”, – ди авыл хуҗалыгы министры Илшат Фазрахманов.