“Блокадалы Ленинград”

Дүртөйле укучылары “Блокадалы Ленинград” Бөтенрусия тарихи квестында катнаштылар.

“Җиңү волонтерлары” хәрәкәтенең Ленинград блокадасын бетерү көненә багышланган “Блокадалы икмәк” Бөтенрусия акциясе кысаларында Дүртөйле районының Балалар һәм үсмерләр иҗатын үстерү үзәгендә Җиңү волонтерларының “Лидер мәктәбе” отряды активистлары тарафыннан “Блокадалы Ленинград” Бөтенрусия тарихи квесты үткәрелде. Анда Дүртөйле шәһәренең  3нче гимназиясендә укучылар катнашты.

Квест станцияләрендә балалар шәһәр тарихының героик битләре, Ленинград халкының батырлыгы, ныклыгы һәм рух көче турында белделәр. Катнашучылар биремнәрне үтәделәр һәм тарихи фактлар белән таныштылар.

 “Мондый чараларны уздыру үсеп килүче буында тарихи хәтерне саклау һәм патриотизм хисе тәрбияләү өчен зур әһәмияткә ия. Балаларның ата-бабаларыбызның батырлыкларын, алар кичергән куркыныч сынауларны белүләре һәм истә тотулары, тыныч тормышның кадерен белүләре мөһим”, – ди “Лидер мәктәбе” җитәкчесе Гүзәл Нуретдинова.

Патриотик тәрбиягә юнәлтелгән чара ил җитәкчесе Владимир Путин тарафыннан билгеләнгән “Яшьләр һәм балалар” милли проекты максатларына туры китереп оештырылган иде.