Илешлеләр көчле шул

Илеш районы командасы кул көрәше буенча турнирда көмеш медаль яулады.

Ил президенты Владимир Путин фәрманы буенча эшләп китүче «Русия спорты» дәүләт программасы максатларына ярашлары, башкалада «Безнең геройлар» МХО Уфа сугышчылары истәлегенә багышланган кул көрәше буенча Уфа шәһәре Кубогы узды. Турнирда 6 яшьтән 17 яшькә кадәр булган 180 көрәшче катнашты.

Республиканың Илеш районы командасын Ростислав Умурбаев җитәкчелегендәге 23 спортчыдан торган «Гарнизон» хәрби-спорт клубы тәкъдим итте.

Гомумкоманда зачетында 6-13 яшьлекләр төркемендә команда 2нче урынны алды. Моннан тыш, Илеш көрәшчеләренең шәхси уңышлары да сокландыра. "Бу безнең шундый югары дәрәҗәдәге ярышларга беренче тапкыр чыгуыбыз, һәм шунда ук шундый уңыш! Мин егетләребез өчен чын күңелдән шат, күнегүләрне дәвам итәчәкбез. Бу турнир киләчәк спорт җиңүләре өчен көчле мотиватор булачак», — дип билгеләп үтте команда тренеры Ростислав Умурбаев.