Уңайлы юл булсын дип тырыштылар

Башкортстанда Языково-Былышлы-Чишмә юлының 3,3 километрын ремонтладылар. Эшләр «Яшәү өчен инфраструктура» милли проектын гамәлгә ашыру нәтиҗәсендә башкарылды.

    Бу хакта БР Транспорт һәм юл хуҗалыгы министрлыгында хәбәр иттеләр. Ремонт Былышлы һәм Яңа Бүләк авылларында башкарылды. Эшчеләр җир өслеген, нигезне һәм асфальт-бетон катламын ясадылар. Моннан тыш, юл кырыйларын ныгыттылар, юл билгеләре ясадылар,  яңа барьер киртәсе куйдылар.