Әлшәй пенсионерлары Чишмә районына сәяхәт кылды

Әлшәй районы пенсионерлары Чишмә районы буйлап мавыктыргыч сәяхәт ясадылар.  Сәяхәт “Башкортстанда  озын гомерлелек» программасы  кысаларында тормышка ашырылды.

    Программа «Гаилә» милли проектының «Өлкән буын» федераль проекты кысаларында тормышка ашырылды. Экскурсия күчмә халыклар тарихына “чумудан” башланды. Евразия музее һәм «Тура хан» визит-үзәгендә булу үзенчәлекле мәдәнияткә һәм традицияләргә кагылырга мөмкинлек бирде.

   Аннары төркем Хөсәен Бәк исемендәге Собор мәчетенә юнәлде, андагы тынычлык һәм рәхәтлек мохитенә кинәнде. Күпләр өчен бу архитектура шедевры белән танышу гына түгел, ә рухи чыганакларга кагылу, ата-бабалар һәм аларның ышанулары белән бердәмлекне тою мөмкинлеге дә булгандыр.

   Көн Русия Герое Максим Серафимов исемендәге «Патриот» хәрби-патриотик паркында тәмамланды. Биредә пенсионерлар геройларны искә алдылар һәм үз Ватаннары өчен горурлык хисе тойдылар. Алар экспонатларны хөрмәт белән карады, хәрби сынаулар аша узган якыннарын искә алды.