Танымассың Нефтекаманы!

Нефтекама шәһәрендәге Җиңү урамы, 11 йорт адресы буенча урнашкан Яшьләр йорты каршындагы территорияне төзекләндерү оештырылды.

«Яшәү өчен инфраструктура» милли проектының «Уңайлы шәһәр мохитен формалаштыру» федераль программасы кысаларында территорияне төзекләндерү төгәлләнде. Хәзер бу урын яшьләрне генә түгел, бөтен шәһәр халкын да җәлеп итә. Планнарда: биредә урам концертлары һәм яшьләр чараларын уздыру да күз уңында тотыла. Яңартылган территориядә тәүге шундый чара беренче курс студентлары фестивале булды.

Хәзер бу урынга гаиләләр һәм яшь кешеләр рәхәтләнеп килә. Монда ял итү зоналары, чаралар өчен сәхнә, парковка һәм арт-объектлар бар. Вакытны файда белән һәм мавыктыргыч иттереп үткәрергә мөмкин.

Фото: Башкортстан Республикасы торак-коммуналь хуҗалык министрлыгы.