Юл төзелеше дәвам итә

Алда бурычлар күп әле.

2025 елда Башкортстанда 863 чакрым Федераль трассаның гомуми озынлыкта 153 чакрымы ремонтланды. Мондый мәгълүматларны «Урал буе» федераль автомобиль юллары идарәсе башлыгы Денис Абрамов Башкортстан башлыгы Радий Хәбиров үткәргән атналык оператив киңәшмәдә җиткерде. «Приуралье» идарәлеге башлыгы 2025 елда Р-240 Уфа – Ырынбург трассасының Уфадан алып Стәрлетамакка кадәрге участогында машина йөртүчеләрнең игътибарын туплау өчен буй-буй тавыш полосалары ясады, дип сөйләде. Алар куркыныч участокларда, шулай ук тукталышларга керү юлларында һәм юл кисешүләрендә барлыкка килгән.

Моннан тыш, Шәрип бистәсе янында 37 нче километрда акрын хәрәкәтләнүче кешеләр өчен күтәргечләре булган модульле җир өсте кичүе ачылды. Ә Р-240 трассасының Уфаның көнбатыш әйләнеше һәм Курасково–Николаевка юлы белән киселешендә белгечләр светофор объекты һәм ясалма яктырту урнаштыралар. Башкортстан башлыгы «Приуралье» Упрдор җитәкчелегенә төбәкнең федераль трассаларында куркынычсызлык дәрәҗәсен арттырулары өчен рәхмәт белдерде.

– «Приуралье»да без ышанычлы партнер күрәбез, – дип ассызыклады Радий Хәбиров. – Алда бурычлар күп әле. Безгә М-5 трассасы буенча Башкортстанга керү юлындагы тар "бугаз” ны бетерергә кирәк. М-7 трассасында калган участокларны дүрт полосага җиткерергә. Һәм, әлбәттә, 2030 елга без федераль үзәк йөкләмәсен үтәргә һәм Уфадан яңа М-12 трассасына кадәр беренче категорияле юл ясарга теишбез. Стәрлетамактан Ашкадар авылына кадәрге участокта Р-240 Уфа – Ырынбур федераль трассасында капиталь ремонт дәвам итә. Анда эш күләме зур. Шушы көннәрдә үзем анда бардым, күрдем –эш кайный.

Бу эшләр “Транспорт мобильлеге” гомумдәүләт проекты кысаларында алып барыла.