Благовещен районында озын гомерле хатынны 95 яшьлек юбилее белән котладылар

Бу көнне юбилярга Русия Федерациясе Президенты Владимир Владимирович Путиннан котлау хаты да килеп ирешкән.

Калистра Ивановнаның тормышы фидакарьлек, хезмәт сөючәнлек һәм гаиләгә тугрылык үрнәге булып тора. Ул Кырымда туган, һәм сугыш вакытында якыннары белән бергә эвакуацияләнгән. Гаилә Благовещен районының Соколовка авылында сыену урыны таба, анда Калистра кечкенәдән өлкәннәр белән беррәттән эшли. Ә 1963 елда Калистра Ивановна Благовещен районының Ильино-Поляна авылына күчеп килә һәм хәзер дә шунда яши. Шунда ук фермага эшкә урнаша.

«Эш авыр булды, жом һәм азык салынган капчыкларны ял белмичә ташырга туры килде», — дип искә ала Калистра Ивановна.

Ул фермада 20 елдан артык эшли, бер үк вакытта өч кыз тәрбияли — Анна, Татьяна һәм Иринаны. Авырлыкларга һәм уңышсыз никахка карамастан, ул балаларына үзе хыялланган белем бирә алган.

Үзенең фидакарь хезмәте һәм авыл хуҗалыгына керткән өлеше өчен Калистра Ивановна ике Хезмәт Кызыл Байрагы ордены, «Фидакарь хезмәт өчен» медале, ВДНХның бронза медале, бик күп мактау грамоталары һәм «Башкорт АССРның атказанган терлекчесе» дигән мактаулы исем белән хөрмәтләнгән.

Фото: Благовещен районы хакимияте.

Бүген Калистра Ивановнаны зур һәм тату гаилә чолгап алган. Аның дүрт оныгы һәм дүрт оныкчыгы бар. Аның бөтен гомере хезмәткә, гаиләгә һәм лаеклы балалар тәрбияләүгә багышлана.