Республика халкының сәламәтлеге – беренче урында

 Бу хакта Башкортстан башлыгы Радий Хәбиров үткәргән атналык оператив киңәшмәдә төбәкнең сәламәтлек саклау министры Айрат Рәхмәтуллин хәбәр итте. 

Кан әйләнеше системасы авырулары беренче урынны алып тора. Йөрәк-кан тамырлары авыруларына каршы көрәш буенча төп чаралар арасында – сыйфатлы диспансер күзәтүе, диагностика һәм дәвалау схемаларын камилләштерү.

– Без дүрт ай элек "Яшәү өчен инфраструктура" милли проекты кысаларында ачкан кардиоүзәкнең хирургия корпусы республиканың сәламәтлек саклау өлкәсен үстерүдә мөһим адым булды, - дип билгеләп үтте Айрат Рәхмәтуллин. - Яңа операция бүлмәләрендә уникаль гибрид операцияләр үткәрелә, ә пациентлар өчен уңайлы шартлар тудырылган.

Башкортстанда йөрәк-кан тамырлары авырулары белән авыручыларны персоналаштырылган исәпкә алуның бердәм интеграль матрица системасы кертелүен билгеләп үтәргә кирәк.

- Пациент турындагы мәгълүматны тизрәк җыярга, анализларга санлы сервислар ярдәм итә. Без уздырылган телемедицина консультацияләре саны буенча сизелерлек арттык. Ясалма интеллект табибларга рентген-снимокларны чишәргә һәм пациентларның торышына дистанцион мониторинг алып барырга ярдәм итә, - диде министр. - Авыл халкына медицина ярдәменнән файдалану мөмкинлеген арттыру өчен кардиологларның күчмә эшен оештырдык, шул исәптән сәламәтлек поездлары кысаларында да.