Нәни балалар күңел ачты

 «Яшьләр һәм балалар» милли проекты максатларына туры китереп, Агыйдел шәһәрендәге «Идел» мәдәният йорты артистлары балалар бакчаларында тәрбияләнүчеләр өчен милли кием көненә багышланган чаралар үткәрделәр. Чара күңелле генә түгел, ә балаларны милли мәдәниятләрнең күптөрлелеге дөньясына чумдырып, танып белү чарасы да булды.

Кечкенә тамашачылар рус, башкорт һәм мари халыкларының традицион костюмнарын кызыксынып карадылар. Һәр киемнең үзенчәлеге һәм тарихы бар, артистлар аларны балаларга җиткерергә тырышалар. Әмма иң мөһиме — балалар бу матурлыны караучылар гына түгел. Алар бәйрәмдә актив катнаштылар. Мари биюен өйрәнү чын хит булып чыкты. Йөзләрендәге елмаюлар һәм чын күңелдән сокланулар балаларның  мәдәниятне никадәр мавыктыргыч кабул итүләрен күрсәтте. Өстәвенә, милли башкорт уен коралында: курайда уйнап карау үзе бер бәйрәмгә әверелде. Музыка коралында уйнау мөмкинлеге балаларга озак истә калырлык тәэсирләр бүләк итә. Түбәтәй белән уеннар турында да онытмадылар. Балалар бер-берсенә түбәтәй тотарга яки бирергә тырышканда, көлү һәм шатлыклы кычкырулар залда яңгырап торды, бу исә, әлбәттә, ярышу рухын арттыра.

Чыганак: МКУ Агыйдел шәһәре хакимиятенең мәдәният бүлеге.