Карайганда яңа ФАП ачылган.

Ишембай районының Карайган авылында яңа ФАП ачылган. 

Ишембай районы хакимияте башлыгы Азат Ишемгулов белдерүенчә, 2024 елда Ишембай районының Югары Иткул, Макар һәм Кулгунино авылларында - амбулатория, Салих авылында фельдшер-акушерлык пункты ачылган. Көзен Яңааптык авылында амбулатория ачу планлаштырылган. Киләсе елда районның тагын 5 авылында яңа ФАПлар ачылуы көтелә. 

Билгеле булуынча, быел "Сәламәтлек саклау " милли проектының "БРда сәламәтлек саклауның беренчел звеносын яңарту" төбәк программасына ярашлы, республикада 134 модульле ФАП һәм амбулатория, 6 поликлиника төзү, 9 дәваханәне ремонтлау, 4,5 мең медицина аппараты һәм 99 автомобиль сатып алу эшләре алып барыла.