Туймазыда тагын бер йорт төзи башладылар

   Туймазыда территорияне комплекслы үстерү турындагы килешү буенча икенче күп фатирлы йорт төзеләчәк - «СтройХолдинг» төзүче оешмага Луначарский һәм Көньяк һәм шул ук исемдәге тыкрыклар чикләрендә төзелешкә  рөхсәт бирелде.

    Элегрәк биредә авария хәлендәге торак булган, дип хәбәр иттеләр БР Төзелеш Министрлыгында. Барлыгы биредә 14 катлы өч йорт төзеләчәк, аларда 17 мең кв.м торак һәм 500 кв. м коммерция биналары булачак. Янәшәдә ике мәктәп, өч балалар бакчасы, поликлиника, кибетләр, даруханәләр бар.

   Территорияне үстерү комплексы механизмы ил башлыгы Владимир Путин кушуы буенча тормышка ашырылучы  «Тормыш өчен инфраструктура» милли  проектының төп механизмы булып тора.