Дәүләт флагы көнен бәйрәм иттеләр

«Яшьләр һәм балалар» милли проектының максатларын гамәлгә ашыру кысаларында Тәтешле районының Югары Тәтешле авылында Русия Федерациясе Дәүләт флагы көненә багышланган тантаналы чара узды.

Район мәдәният сараеның төп мәйданында «Алга, Русия» флешмобы үтте. Ул төрле оешма һәм учреждение вәкилләрен берләштергән. Район мәдәният сарае һәм балалар иҗаты үзәге артистлары һәм иҗат коллективлары тамашачыларга патриотик концерт программасы тәкъдим иттеләр.

Бәйрәм барышында «Аквагрим-триколор» һәм «Ленточка триколор» акцияләре гаять күңелле булды, халык күңеленә хуш килде.

Юлай НИЗАЕВ.

Фото: Тәтешле районы хакимияте.