Үрчегез, чөгәләр, үсегез!

Су биоресурсларын торгызу чарасы «Экологик иминлек» милли проекты кысаларында Башкортстан генерацияләү компаниясе акчасына үткәрелде. Маймычлар чыгару - табигатькә элек китерелгән зыян өчен компенсация чарасы.

Маймычлар Саратов өлкәсенең махсуслаштырылган балык питомнигында үстерелгән. Маймычларны чыгару Росрыболовствоның Идел-Кама территориаль идарәсе, «Главрыбвод» ФДБУнең Кама-Урал филиалы (су ресурсларын мониторинглау бүлеге) һәм Башкортстан Республикасы табигатьтән файдалану һәм экология министрлыгы белгечләренең катгый контроле астында башкарылды.

Хайваннар дөньясын саклау буенча Уфа районара хезмәтенең баш белгеч-эксперты Евгений Глинкин билгеләп үткәнчә, чөгә балыгын чыгару — балык тотуны, ташуны һәм табигый мохиткә җайлашуны үз эченә алган катлаулы процедура.

— Яхшы азык базасы һәм уңай шартлар булу сәбәпле, Павловск сусаклагычы чөгә балыгы популяциясен үстерү өчен идеаль урын, - ди эксперт.