"Паяц" театры Бәләбәйдә җәйге уен мәйданчыкларын ача

Шаян пиратлар образында театр артистлары белән бергә балалар мавыктыргыч диңгез сәяхәтенә киттеләр. "Бублики" павильоны вакытлыча батыр флибустьерлар корабленә әверелде, ә уен программасында катнашучылар — аның командасына.

Театр режиссеры Ләйлә Воронова уен мәйданчыкларының максаты турында сөйләде: "Безнең төп бурыч — балалар өчен бәйрәм һәм шатлык рухы тудыру, бигрәк тә җәйге чорда, аларның буш вакытлары күп булганда. Без балаларның саф һавада актив вакыт уздыруларын, үзләренең иҗади сәләтләрен үстерүләрен һәм уен формасында яңа белемнәр алуларын телибез. Театральләштерелгән тамашалар һәм интерактив уеннар аларга үзләренең потенциалын ачарга һәм командада эшләргә өйрәнергә ярдәм итә".

Билгеләп үтәргә кирәк, һәр уен мәйданчыгының программасы җентекләп уйланылган һәм төрле конкурслар, викториналар, биюләр һәм җырлар үз эченә ала. Балалар бик теләп хәзинә эзләүдә катнашалар, диңгез табышмакларын чишәләр, җитезлек һәм тапкырлык белән ярышалар.

Юлай НИЗАЕВ әзерләде.

Фото: Бәләбәй хакимияте.