Халыкка файда китерүче эшләр бәйге тотты

Приз фонды бу инициативаларны киңәйтергә мөмкинлек бирәчәк.

Конкурста республика шәһәрләре һәм районнары катнашты. 20 гариза арасыннан шәһәр округларында һәм авыл җирлекләрендә муниципаль тәҗрибәләрнең иң яхшы 15 үрнәге сайлап алынды. Алар «Иң яхшы муниципаль практика» конкурсының Бөтенрусия этабында катнашу өчен федераль конкурс комиссиясенә җибәреләчәк.

«Шәһәр төзелеше сәясәте, төзекләндерү һәм торак – коммуналь хуҗалык» номинациясендә «Истәлекле Стела» практикасы белән шәһәр округлары һәм шәһәр җирлекләре категориясендә беренче урынны Туймазы шәһәре алды, «киләчәкне яктыртып» практикасы белән авыл җирлекләре арасында – Иглин районы, «Акыллы шәһәр» номинациясендә Г.Дүртөйле тәҗрибәсе иң яхшысы булды.

Башкортстанның торак-коммуналь хуҗалык министры урынбасары Вилорий Угаров һәр эшнең үзенчәлекле булуын билгеләп үтте. Муниципалитетлар үз эшләрен ничек яхшыртырга, аны нәтиҗәлерәк итәргә һәм халыкка файда китерергә икәнен күрсәтәләр. Федераль этапта иң кызыклы һәм оригиналь эшләр катнаша алачак.

– Республика конкурсантлары лаеклы нәтиҗәләр һәм җиңүләр күрсәтәләр. Җиңүчеләр акчаларны кискен проблемаларны хәл итүгә һәм үз шәһәрләрендә һәм авылларында тормыш сыйфатын яхшыртуга юнәлтәләр. Барлык проектлар да лаеклы тормышка ашырыла,-дип хәбәр итте Башкортстанның торак-коммуналь хуҗалыгы министры Ирина Голованова.

Конкурс йомгаклары буенча Русиянең 31 төбәгеннән барлыгы 50 муниципаль берәмлек билгеләп үтелде.

«Иң яхшы муниципаль практика» конкурсына гаризалар кабул итү 2025 елның 1 августына кадәр дәвам итәчәк. Проект шәһәр төзелешеннән һәм торак-коммуналь хуҗалыкны модернизацияләүдән алып кече бизнесны, социаль өлкәне, транспорт инфраструктурасын һәм цифрлаштыруга кадәр юнәлешләрнең киң спектрын колачлый. В.Путин карары буенча эшләүче “Яшәү өчен инфраструктура” гомумдәүләт проекты кысаларында гамәлгә ашырылучы иң яхшы практикалар федераль дәрәҗәдә танылу һәм үз карарларын бөтен ил буйлап тиражлау мөмкинлеге алачак.

Россия Хөкүмәте Рәисе урынбасары Марат Хөснуллин белдерүенчә, 2017 елдан «Иң яхшы муниципаль практика» Бөтенрусия конкурсы муниципаль идарәнең иң яхшы тәҗрибәләрен ачыклау һәм бүләкләү өчен мөһим мәйданчык булып тора.

– 2025 елда 1 млрд сумлык приз фонды бу инициативаларны киңәйтергә мөмкинлек бирәчәк. Бу илнең барлык муниципалитетлары өчен уңышлы тәҗрибәне үзләштерү һәм аны үз территорияләрендә кертү мөмкинлеге. Быел катнашучылар локаль бурычларның нәтиҗәле хәл ителүен, хезмәттәшлекнең ныгуын һәм территорияләр икътисадының үсүен кабат күрсәтерләр дип ышанам. Хәзерге вакытта конкурста катнашу өчен регионнардан гаризалар кабул ителә, – дип хәбәр итте Марат Хөснуллин.