"Пушкин карта"сы белән музейларга

Пушкин картасы белән җәй: Краснокама районы укучылары туган як тарихына чумдылар.

Краснокама районының Яңа Каенлык авылы интернат-мәктәбе укучылары өчен каникуллар район тарих-туган якны өйрәнү музеена мавыктыргыч экскурсиядән башланды, алар анда РФ Президенты Владимир Путинның май указларына ярашлы кабул ителгән «Гаилә» милли проектының «Пушкин картасы» программасы буенча булдылар. Укучылар үзләренең кече ватаннары тормышын төрле чорларда — беренче булып күченеп килүчеләрнең көнкүрешеннән алып сәүдәгәрлек һәм халык гореф-гадәтләре үсешенә кадәр тасвирлаган уникаль экспонатлар белән таныша алдылар. Мәктәп укучыларында борынгы көнкүреш әйберләре, фотосурәтләр һәм документлар аеруча кызыксыну уяткан, аларга ата-бабаларының ничек яшәвен яхшырак аңларга ярдәм иткән. "Пушкин картасын миңа 14 яшь тулу белән үк рәсмиләштердем. Бу айда мин музейда булдым, һәм бу үткәнгә чын сәяхәт булды! Шунысы шәп, дәүләт безгә мондый чараларга бушлай йөрергә мөмкинлек бирә. Минем картада акчам калды әле, шуңа күрә тагын кая да булса барырга уйлыйм", - дип уртаклашты 9 нчы сыйныф укучысы Илнара Кәримова. "Пушкин картасы-укучыларны мәдәни тәрбияләү өчен бик яхшы корал. Барлык ата — аналарның да мондый походларга түләү мөмкинлеге юк, ә бу программа ярдәмендә балалар музейларга, күргәзмәләргә, кино һәм концертларга дәүләт хисабына йөри ала», - дип билгеләп үтте мәктәп директорының тәрбия эшләре буенча урынбасары Альбина Фәррахова.

Чыганак: Башкортстан Республикасы Краснокама районы муниципаль районы администрациясе