2030 ел максатына җиткәнбез

Башкортстан тотрыклы рәвештә торак төзелешенә иң зур өлеш керткән төбәкләр рәтенә керә. Республика 2020-2024 елларда 10 млн кв.метрдан артык торакны файдалануга тапшыруны тәэмин итте, дип хәбәр итте Россия Хөкүмәте вице-премьеры Марат Хөснуллин төбәк үсеше буенча Хөкүмәт комиссиясе президиумы утырышында.

Ул ассызыклаганча, төбәкләр «Торак һәм шәһәр мохите» һәм «Имин сыйфатлы юллар» милли проектларының барлык максатчан күрсәткечләрен үтәделәр. Алты ел эчендә илдә 577,7 млн «квадрат» торак төзелгән, илнең торак фондының 11,5% ы яңартылган, нәтиҗәдә 23,7 млн Русия гаиләсе яшәү шартларын яхшырткан.

«Бу нәтиҗәләр - безнең уртак эшебез, һәм без „Яшәү өчен инфраструктура“ яңа милли проекты буенча алга баруны дәвам итәчәкбез”, — диде Хөкүмәт Рәисе урынбасары.

Марат Хөснуллин сүзләренчә, 18 төбәк торак төзелеше лидерлары булган, алар арасында — Башкортостан. Моннан тыш, Башкортстан 2030 елда җан башына торак тапшыру буенча милли проект күрсәткеченә иреште — бер кешегә 0,82 кв.метрдан да ким түгел.

  "Алты ел эчендә республикада 17 млн кв. метрдан артык торак файдалануга тапшырылган, шуның 10 млн кв.метрыннан артыгы шәхси  төзелешкә туры килә. Республикада торак белән тәэмин ителеш (30,5 кв.м) күптән уртача Русия күрсәткечләреннән (29,4 кв. м) артык», — дип күрсәтте БР Төзелеш министрлыгы башлыгы Артем Ковшов.