Җәйге яллар мавыктыргыч узар

Балалар сәламәтләндерү лагерьлары эшли башлады.

Уфаның балалар сәламәтләндерү лагерьларында беренче җәйге сменалар башланды. « Росинка», «Радуга», «Альбатрос», «Дружный» лагерьларында хәрби-патриотик сменалар башланды.

 Балалар сәламәтлекне ныгытуга, дисциплина дәрәҗәсен һәм коллективның бердәмлеген арттыруга юнәлдерелгән мавыктыргыч уеннарда, тематик конкурсларда һәм спорт ярышларында катнаша алачак. Ә «Луч» балаларны савыктыру лагеренда «Осталар шәһәре» һөнәри юнәлеш бирү сменасы узачак. Ул укучыларның иртә һөнәри юнәлеш алуын максат итеп куя, төрле һөнәрләрнең башлангыч практик күнекмәләрен үзләштерү мөмкинлеген бирә.

«Фестиваль» лагерында заезд «Лидер Фест» дип атала. Ял итүчеләр инициативаны үстерү чараларында катнашачаклар, лидерлык слетларында, марафоннарда, конкурсларда, иҗат остаханәләрендә катнашачаклар. Отрядларда балалар үз уйларын тормышка ашырырга, лагерь сменасы программасына өлеш кертергә тырышачаклар.

 Җәйге сәламәтләндерү кампаниясе «Акчарлак»та да старт алды. Смена «Кванториум» дип атала. «Техноулей» дигән китапта балаларны робот техникасы, медиаиҗат, музыка технологияләре һәм сәнгать буенча мастер-класслар көтә. “Яшьләр һәм балалар” гомумдәүләт проекты кысаларында яшүсмерләрнең җәйге ялларын оештыруга зур тырышлык һәм финанслар салына. Имин узсын бу җәйләр дә.