Башкортстан командалары "Роботлар көрше"ндә катнашачак

Башкортстан ике ел рәттән чемпионатта катнашты һәм республика даны якланды. Катнашуга гаризаны бүген үк бердәм дәүләт хезмәтләре порталы аша җибәрергә мөмкин. Цифрлы продуктлар булдыру "Мәгълүматлар икътисады» милли проекты максатларына туры килә икән.

- Башкортстан ике ел рәттән роботлар көрәшендә катнашты. 2023 елда республика командасы 100 килограммнан артык авырлыктагы зур робот белән чыгыш ясады. Узган ел алар "Мини-роботлар көрәше" категориясендә кечерәк модель белән ярышты. Бу үзеңнең инженерлык күнекмәләреңне күрсәтү һәм онытылмаслык хис-кичерешләр алу өчен менә дигән мөмкинлек, - дип билгеләп үтте Башкортстан Республикасы дәүләт идарәсенең Цифрлы үсеш министры Геннадий Разумикин.

2023 елдан башлап Уфа фән һәм технологияләр университетының Стәрлетамак филиалы командасы да әлеге чарада катнашты, корал белән җиһазландырылган ике тәгәрмәчле тулы приводлы авыр роботны тәкъдим итте: минутына 4 мең әйләнеш тизлегендә эшләүче ун килограммлы вертикаль спиннер. Биредә 170 команда ярышкан сайлап алу этабында команда уңышлы узды һәм беренчел сайлап алуга чыкты. Анда 58 катнашучы арасында гомуми рейтингта 11нче урынны алды. Быел чемпионат ике дисциплина буенча уза. Чемпионатта беренче тапкыр финал этабы кысаларында шоу-матч форматында "Дроннар көрәше" дә тәкъдим ителәчәк.

Юлай НИЗАЕВ әзерләде.

Фото: Башкортстан Республикасы Дәүләт идарәсенең Цифрлы үсеш министрлыгы.