Милли проектлар уңышлы эшли

Быкл, 2025 елда, республикада милли проектларны финанслау күләме 41,5 млрд сум тәшкил итә. 34,7 млрд сум федераль акча җәлеп ителгән. Якынча 90%ы өч милли проектка туры килә: «Яшәү өчен инфраструктура» (13,4 млрд сум), «Яшьләр һәм балалар» (16,9 млрд сум), «Дәвамлы һәм актив тормыш» (6,5 млрд сум). Бу хакта республика Хөкүмәте утырышында әйтелде.

Башкортстан Хөкүмәте Премьер-министры Андрей Назаров республиканың 12 милли проект составында 40 төбәк проектын гамәлгә ашыруда катнашуы турында сөйләде. Аның сүзләренчә, бөтенләй яңа юнәлешләр өстәлгән. Алар арасында-терәк торак пунктларын үстерү, балалар бакчаларын һәм мәктәпләрне капиталь ремонтлау, коммуналь инфраструктураны модернизацияләү, технологик лидерлык проектлары.

Вице-премьер - БР Хөкүмәте Аппараты җитәкчесе Азамат Абдрахманов беренче квартал нәтиҗәләре буенча кайбер иҗтимагый әһәмиятле нәтиҗәләргә ирешелүен хәбәр итте. 35 модульле ФАП уңышлы урнаштырылган, республиканың дәвалау-профилактика учреждениеләренә 1,5 меңнән артык заманча медицина җиһазы кайтарылган. Быелдан башлап мәктәпләрдә сыйныф җитәкчеләренә яңа түләүләр башкарыла. Аларның гомуми күләме 1 млрд сумнан артып китте.

Хезмәт җитештерүчәнлеген арттыру проектларын гамәлгә ашыруга җәлеп ителүче предприятиеләр саны арта. Республика монда даими рәвештә пландагы күрсәткечләрне арттырып үти.