Йорт аллары матурлана

Күпләр аннан канәгать.

Башкортстанда яшәүчеләрнең 60% тан артыгы «Башкортстан ишегаллары» республика программасы буенча башкарылган эшләрнең сыйфатыннан канәгать. Бу хакта «Честно говоря» программасына биргән интервьюсында БР Иҗтимагый палатасы Аппараты җитәкчесе Элина Гатауллина хәбәр итте.

"Без бөтен республика халкы арасында төрле параметрлар буенча сораштырулар үткәрдек. Сан күрсәткечләре кешеләрнең ышанычын һәм программаның мөһимлеген күрсәтә", – дип шәрехләде ул.

Исегезгә төшерәбез, 2025 елда «Башкортстан ишегаллары» программасы буенча 1 млрд сумнан артык акча бүлеп биреләчәк. 98 ишегалды территориясен яңарту планлаштырыла. 2024 елда программа буенча 33 муниципалитетта 143 йорт төзекләндерелде, 213 йорт һәм 77 мең кеше яшәеше колачланды. Бу максатларга, муниципалитетларның уртак финанславын да исәпкә алып, 1,1 млрд сум бүлеп бирелгән. Программаны гамәлгә ашыруның 6 елында республикада 1469 йортның ишегалды территориясен тәртипкә китерделәр, анда 879 меңнән артык кеше яши. Бу максатларга төбәк бюджетыннан 7,2 млрд сум бүлеп бирелгән, 387,2 млн сумны муниципалитетлар, 79,6 млн сумны торак милекчеләре өстәгән.