Өлкәннәр өчен экскурсияләр

Өлкән буын уфалылар өчен «Башкирское долголетие» программасы буенча экскурсия турлары оештыралар. Программа 2020 елда «Демография» милли проекты кысаларында старт алган иде, быелдан ул «Гаилә» милли проекты кысаларында дәвам итә. Аның максаты -республикада яшәүче өлкән яшьтәге кешеләрнең тормыш сыйфатын күтәрү, пенсия яшен актив, бай һәм социаль әһәмияткә ия итү.

Проектта инде 1 миллионнан артык кеше катнашкан, шуларның 470 меңе - 2024 елда гына. Программа 60тан өстәгеләрне үз эченә ала, ә бу республикада 933 меңнән артык кеше дигән сүз. Һәм катнашучылар саны елдан-ел арта бара. Таяклар белән йөрү, җиңел күнегүләр, актив озын гомер мәктәпләре, сәламәтлек фестивальләрендә катнашу — болар барысы да энергияне сакларга, басымны һәм стресс дәрәҗәсен киметергә ярдәм итә. 2024 елда гына да 57 Сәламәтлек мәктәбе узды, ә районнарда 1531 60тан өлкәннәр өчен Сәламәтлек мәктәбе ачылды. Гериатрия ярдәме системасы эшли. «Башкортское долголетие» проекты өлкәннәр алдында күп яңа мөмкинлекләр ача. Һәм ул туризм һәм экскурсияләр белән генә бәйле түгел. Программа җиде бүлектән тора.