Инвалидларга эш бирүчеләрнең чыгымнарын каплыйлар

Социаль фондның Башкортстан буенча бүлеге инвалидлар өчен эш бирүчеләрнең чыгымнарын компенсацияли. Инвалидларга эш урыннарын булдыру һәм корылмаларга баету чыгымнары өчен эш белән тәэмин итүчеләргә компенсация түләнә. Аның күләме бер эш урыны өчен 200 мең сумга кадәр җитә.
Компенсацияләр беренче һәм икенче группа инвалидлар, шулай ук инвалид хәрби хәрәкәтләр ветераннары өчен эш урыннарын баетуга юнәлтелә. Әлеге ярдәм чарасы предприятиеләрдә һәм оешмаларда инвалидларны эшкә урнаштыру исәбенә кадрлар мәсьәләләрен чишүгә юнәлтелгән.
Субсидия корылма сатып алу, аны урнаштыру, шулай ук эшченең өйдә эшләве өчен (РФ Хезмәт кодексына ярашлы өй хезмәте рәсмиләштерелгән очракта) эш урынын баетуга тотылган чыгымнарны каплый.
Субсидияне алу өчен эш бирүчегә берничә таләпне үтәргә кирәк булачак. Шуларның берсе - инвалид хезмәтчәннең 9 айдан да ким булмаган вакыт эшләве. Ул хезмәт килешүе белән ныгытылган булырга тиеш. Барысы да тиешенчә башкарылган очракта Фонд ун эш көне эчендә акчалар күчерә.
Инвалидлар өчен эш урыннарын булдыруга һәм корылмаларга баетуга компенсация "Кадрлар" милли проектының "Мәшгульлеккә ярдәм күрсәтүнең актив чаралары" федераль проекты булышлыгында тормышка ашырыла.

"Башинформ" буенча.