Чаңгыда узыштылар

Ярмәкәй районында "Россия чаңгы юлы-2025" массакүләм чаңгы узышы үтте. Ул "Физик культура һәм спортны үстерү" дәүләт программасы максатларына ярашлы оештырылды.

Быел «Русия чаңгы юлы " үзенең 43нче юбилеен билгеләп үтә, ул 1941-1945 еллардагы Бөек Ватан сугышында Җиңүнең 80 еллыгына багышлана.

Спорт чарасына йөзгә якын катнашучы җыелды, алар үз көчләрен сынап карау һәм кышкы табигатьтән ләззәт алу өчен трассага энтузиазм белән чыктылар. Ярышлар алдыннан катнашучылар бер-берсе белән аралаштылар: алда торган ярышлар турында фикер алыштылар, тәэсирләре белән уртаклаштылар.

Район кунаклары булып Туймазы шәһәреннән килүчеләр катнашты. Ярышларда җиңүчеләргә һәм призерларга грамоталар, медальләр һәм башлыклар тапшырылды.

"Ел саен уздырыла торган бу Бөтенрусия массакүләм чаңгы узышы кышкы спорт төрләрен яратучыларның бердәмлеге символына әверелде һәм Ярмәкәй районы читтә калмый. "Русия чаңгы юлы" төрле яшьтәге һәм сәләтле кешеләрне берләштереп, сәламәтлек һәм актив яшәү рәвешенең мөһимлеген ассызыклый", - дип билгеләп үтте Ярмәкәй районы хакимияте башлыгы урынбасары Татьяна Головина.