Бер йөрәкне йөзгә бүлеп бирә

Иң күп балалы әни ул!

 Балалар йорты директоры – һөнәр генә түгел. Бу миссия, яшәү рәвеше, күңел халәте, бу бер көн агышында да башкарылырга тиешле һәм башкарылучы миллион рольләр. Кайда төп роль? Әлбәттә, зур гаилә әнисе булуда. Фәнисә Малик кызы 7 февральдә директор вазифасында, җылы йортыбызның әнисе вазифасында үзенең 20 еллык юбилеен билгеләде!

Фәнисә Малик кызы Бәдретдинова Шаһит Ходабирдин исменедәге балалар йортында 20 ел директор булып эшли. Бу күпме, азмы? Мөгаен, теләсә кайсы кеше өчен мондый вакыт – тормышның гади чоры гына түгел, ә очышлар һәм егылулар, шатлыклар һәм кайгылар, җиңүләр һәм уңышсызлыклар белән тулы гаять зур юлдыр! Күпме эшләнгән! Бу 20 ел эчендә безнең балалар йорты ничек үзгәрде! Ә бу вакыт эчендә ничә бала гаиләгә ия булганын исегезгә төшерегез, ә социаль кунак бүлмәсе ничек барлыкка килгәнен, кулинария торак бүлмәләре ничек үзгәргәнен, территория ничек үзгәргәнен, үзәкнең 100 еллык юбилеен исегезгә төшерегез... Чиксез күп яхшлыкны искә төшерергә мөмкин...

 Ә күпме баштан кичкән! Күпме сагыш, шатлык, өмет, илһам һәм бәхет мизгелләре! Һәм безнең һәрберебез, бала, чыгарылыш укучысы яки хезмәткәре аның йөрәгенә сыйган.

Балалар йорты җитәкчесе өчен бу никадәр җаваплылык? Бу бик зур хезмәт, методик эш, шикләнүләр, яңа ачышлар, табышлар, эзләнүләр. Бетмәс-төкәнмәс энергия һәм зирәклек таләп итә торган зур җаваплылык!

Фәнисә Маликовнаның зирәклеге һәм чиксез сизгерлеге аркасында безнең шундый бердәм коллективыбыз бар! Ул һәр хезмәткәрдә талант һәм очкын күрә белә! Ләкин безнең әни өчен иң төп мәгънә - балаларның бәхете! Әйе, мөгаен, бу гади яңгырыйдыр. Тик сез балаларның кайсысыдыр гаилә корганда, ә кемдер беренче тапкыр, куркуын җиңеп, сәхнәгә чыкканда аның күзләре ничек янганын күрсәгез идее.. Чыгарылыш сыйныф укучылары үз балалары белән килгәч, зур гаиләбез тулыланып киткәндә ул зур шатлык кичерә. Яратабыз Сезне Фәниса Маликовна! Зинһар, үзегезне саклагыз! Хөрмәт белән, коллектив, үзәктә тәрбияләнүчеләр һәм аны тәмамлап чыгып та, һәрвакыт Сезне сагынып килүче улларыгыз һәм кызларыгыз.

 #20летслужбы #цссвшагитахудайбердина #центршагитахудайбердина #центрсодействиясемейномувоспитанию #цссврб #минтрудрб #детисироты

Фәнисә Малик кызын мин дә ике дистә елдан артык белүемә шатмын. “Юлдаш” радиосында бергә эшләп алдык без аның белән. Мәктәп директоры булып эшләп, Уфага килгәч радио өлкәсенә журналист буларак хезмәтен дәвам итүче бу алчак күңелле, һәрвакыт мөлаем кала белгән ошбу ханымның һәр тапшыруында гаделлек, эзләнүчәнлек, эшенә намуслы тугрылык чагыла иде.  Ә аннары Фәнисә педагогия буенча эшен дәвам итеп, ифрат җаваплы бурычны иңнәренә йөкләтте – балалар йорты директоры вазифасына алынды. Ул вакытта вакытсыз гомере өзелгән сеңлесенең балаларын үз тәрбиясенә алган, шул адымы белән инде никадәр олы йөрәкле хатын-кыз булуын таныткан иде. Шулай итеп, үзенекеләр дә, туганныры да, башка кырык мир ятимнәре аның йөрәк җылысына төренде. Хәер, бәлки, көннәр, айлар, еллар (аз да түгел, күп тә түгел 20 ел!) дәвамында ятимнәр турында хәстәрлек күргәндә үз балалаларына ул кадәр игътибар да җиткерә алмагандыр. Әмма олы йөрәкле анадан туган газизләре аны аңлап, ярдәм иткән. Гаиләсе зур Фәнисәбезнең.

Фәнисә Малик кызына киләчәктә дә зур уңышлы эшчәнлек телибез. Әмма ятимнәр азрак булсын иде... Шул нияттә “Өмет” гәзите бу балалар йорты белән тыгыз элемтәдә торабыз, уртак эшебез дә бар. “Гаилә” гомумдәүләт проектлары гамәлгә кертелгәнче үк, үзләренә гаилә җылысы эзләгән сабыйларга ярдәм йөзеннән “Әти-әниемне эзлим” рубрикасын булдырдык. Аерым уңышларыбыз – гаиләсен тапкан бәхетле балаларыбыз да бар. Арытаба күбрәк балалар гаилә җылысында тәрбияләнсен өчен бу эшебезне дәвам итәрбез. Кулга-кул тотынышып эшләргә Фәнисә Малик кызы кебек фидакарьләр кирәк. Ә мондй олы йөрәкле кешеләр бар, бүген аларның берсен- Фәнисә Малик кызын сәламли алуыбыз белән шатбыз.

Һөнәри юбилеегыз белән, Фәнисә Маликовна, сәламәтлек һәм югары эшчәнлек телибез!