Ел башыннан 30 мең тонна ашлык озатканнар

Башкортстан 2025 елның гыйнварында дөньяның 15 иленә 30 мең тоннадан артык ашлык һәм аны эшкәртү продуктлары экспортлаган, дип хәбәр иттеләр Россельхознадзорның төбәк буенча идарәсе матбугат хезмәтендә.

9-31 гыйнварда республика аграрийлары 8,4 мең тоннадан артык җитен, 2,25 мең тонна арпа, 1,95 мең тонна рапс, 1,12 мең тонна горчица, 0,35 мең тонна сафлор һәм 0,22 мең тонна вики төяп җибәргәннәр.

Экспорт йөгенең барлык партияләре пробалары кирәкле лаборатор тикшеренүләр узган.

“Хәвефле карантин организмнары һәм икмәк запаслары корткычлары ачыкланмады. Башкортстан продукциясе импортер илләр таләпләренә туры килә”, – диләр Россельхознадзорның БР буенча идарәсендә.

Әйтергә кирәк, Башкортстан агросәнәгать комплексы продукциясен җитештерүчеләр ил җитәкчесе Владимир Путин тарафыннан билгеләнгән “Халыкара кооперация һәм экспорт” илкүләм проектын гамәлгә ашыруның алты елында чит илләргә товар җибәрүне 2,8 тапкырга арттырганнар.