Берсе – "Ел педагогы", икенчесе – "Ел укытучысы"

Караидел районында “Ел педагогы – 2025” һәм “Ел укытучысы – 2025” конкурслары тәмамланды.

Башкортстанның Караидел районында ил җитәкчесе Владимир Путин тарафыннан билгеләнгән “Яшьләр һәм балалар” милли проекты кысаларында оештырылган “Ел педагогы – 2025” һәм “Ел укытучысы – 2025” конкурслары тәмамланды. Күркәм традиция буенча тантаналы шартларда җиңүчеләр игълан ителде.

Мәктәпкәчә белем бирү учреждениеләре педагоглары конкурска башта үзләренең шәхси интернет-битләрен тәкъдим иттеләр, аннары дәресләр һәм мастер-класслар күрсәттеләр. Укытучылар “Методик остаханә” конкурс сынавында үзләренең методик тәҗрибәләре белән уртаклаштылар, дәресләр, сыйныф сәгатьләре һәм мастер-класслар күрсәттеләр. Иң күп балл җыйган дүрт конкурсант матбугат конференциясендә катнашты.

“Ел педагогы – 2025” конкурсының абсолют җиңүчесе булып Караидел авылының 1нче балалар бакчасы логопед-укытучысы Эльза Әхмәтшина, ә “Ел укытучысы – 2025” конкурсының җиңүчесе булып Караидел авылының 1нче мәктәбенең хәвефсезлек һәм Ватанны саклау нигезләре укытучысы Винер Кәримов танылды.

Бу конкурслар иң яхшы укытучыларны һәм педагогларны ачыклый, белем бирү эшчәнлегендәге яңа казанышларны стимуллаштыра һәм белгечләр арасында тәҗрибә уртаклашуга ярдәм итә, белем бирүнең җәмгыятьтә әһәмиятен һәм һөнәрнең абруен ассызыклый.