Үз бизнесларын оештыруга ярдәм алганнар

Агымдагы ел башыннан Башкортстанда социаль контракт буенча бизнес ачуга адреслы социаль ярдәм программасында стартап алу бәхетенә 1,1 мең кеше иреште. Дәүләт халыкның гомуми суммасы 382 млн сумга якын булган эшкуарлык инициативасын финанс яктан хуплады. Бу хакта төбәкнең гаилә, хезмәт һәм халыкны социаль яклау министрлыгында хәбәр иттеләр.

Халыкны эш белән тәэмин итүгә ярдәм итү – «Демография» милли проектының төп өстенлекләренең берсе.

Үз бизнесын оештыруга гаилә бер тапкыр 350 мең сумга кадәр алырга мөмкин. Өстәмә күнекмәләр һәм һөнәри компетенцияләр алырга кирәк булганда, программада катнашучылар һөнәри белем алу курсларын бушлай уза алалар. Социаль контракт республика халкына керемнәрнең яңа чыганакларын формалаштырырга һәм үзләренең кече бизнесларын нульдән диярлек ачарга ярдәм итә. Дәүләт белән мондый килешү гаиләләргә яки ялгыз яшәүче гражданнарга җан башына уртача кереме региональ яшәү минимумыннан түбәнрәк булган гражданнарга мөмкин.

Фото: aur-vesti.info