Спорт аларның яшәү рәвеше

Русия Спорт министрлыгында «Русиянең иң спорт сөюче гаиләсе» дигән Беренче бөтенрусия конкурсына йомгак ясалды. Конкурс «Демография» милли проектының «Спорт – тормыш нормасы» федераль проекты кысаларында үткәрелә һәм гаиләдә спорт традицияләрен ныгытуга һәм сәламәт яшәү рәвешен популярлаштыруга юнәлдерелә.

Уфадан Протасовлар гаиләсе «Русиянең иң спорт сөюче гаиләсе» бөтенроссия конкурсында «Спорт чемпионнары» номинациясендә көмеш призер булды. Гаилә башлыгы Сергей Евгеньевич физик культура белән актив шөгыльләнә, ә әнисе Ольга Юрьевна чаңгы ярышлары буенча 1 разрядка ия. Әти-әниләр үзләренең дүрт кызына үрнәк булган.

Әйтик, 17 яшьлек игезәкләр Анна һәм Виктория спорт акробатикасы буенча республика ярышларында күп тапкырлар җиңеп, агымдагы елда спорт мастерлыгына кандидат исемен алдылар. 8 яшьлек Елизавета апалары үрнәгенә ияреп, алар белән бер спорт төре белән шөгыльләнә, 1 өлкәннәр разрядын яклый. Кечкенә Дарьяга нибары 5 яшь, әмма ул инде спорт гимнастикасында зур өметләр баглый.

"Русиянең иң спорт сөюче гаиләсе” конкурсының оештыру комитетына барлыгы 900 гә якын гариза кергән. Җиңүчеләр алты номинациядә билгеләнде.