Мәдәни чаралар уздыру урыны

Мәдәният йорты Учалы районы Ахун авылында «Мәдәният» милли проектын гамәлгә ашыру барышында капиталь ремонттан соң ачылган.

Бина 60 ел элек — 1961 елда төзелгән. Бу вакыт эчендә ул күрше авылларда яшәүчеләр өчен мәдәни тормыш үзәгенә әверелгән. 2023 елда Учалы районы хакимияте учреждениене ремонтлауга грант откан. Сигез ай эчендә тышкы ягын төзекләндерүгә, инженерлык коммуникацияләрен, түбәсен алыштыруга, түшәмнәрен, идәннәрне һәм стеналарны яңартуга ирешелгән. Мәдәният йортында тамаша залы, сәхнә, керү урыны һәм кабинетлар тулысынча ремонтланган. Шулай ук сәхнә өчен киемнәр, яңа җиһазлар һәм оргтехника сатып алганнар.

"Ремонттан соң яңартылган клубның ачылуы безнең район өчен мөһим вакыйга. Авылда мәдәниятне үстерүнең һәм заманча социаль инфраструктура булдыруның уртак хезмәт нәтиҗәсе. Бүген монда мәдәни чаралар уздыру өчен уңайлы шартлар бар, иҗади дәресләр өчен мөмкинлекләр күбрәк. Биредә танылган коллективлар да, яңалары да үсә алачак", - дип билгеләгән район хакимияте башлыгы Руслан Гыйләҗетдинов.