Караидел районында «Чикләрсез ГТО» фестивале узды

«Хезмәткә һәм оборонага әзер» Бөтенрусия физкультура-спорт комплексы фестивале ил Президенты Владимир Путин тарафыннан булдырылган «Демография» милли проектының «Спорт — тормыш нормасы» федераль проекты кысаларында оешкан төстә барды.

Сынаулар барышында катнашучылар көч, чыдамлык, сыгылмалылык, сузылучанлык, төгәллек һәм физик ихтыяр сыйфатларын күрсәттеләр. 1 һәм 2нче Караидел мәктәпләренең 27 укучысы үз көчләрен биш төрдә сынады: алга авышу; аркада яткан килеш гәүдәләрен күтәрү; идәндә яткан килеш кулларын бөгү һәм җәю; урыннан озынлыкка сикерү һәм теннис тубын  ыргыту.

Юлай НИЗАЕВ.

Фото: Караидел районы хакимияте.