Яхшы юлдан йөрүгә ни җитә

Бәләбәй районында “Имин сыйфатлы юллар” милли проекты кысаларында 10 чакрымнан артык Бәләбәй – Николаевка – Туймазы – Бакалы юлы ремонтланган. 2024 елда милли проект кысаларында Бәләбәй, Туймазы һәм Шаран районнарында барлыгы 15,7 чакрым юл яңартылган.

 - Әлеге юл берьюлы өч районны тоташтыра. Ул республиканың терәк челтәренә керә, чөнки күп кенә торак пунктларда, шул исәптән зур шәһәрләрдә яшәүчеләргә транспорт элемтәсен тәэмин итә. Биредә хәрәкәт көчле генә - тәүлек саен аның буенча 3 меңгә якын машина уза, – дип аңлатты БР Транспорт һәм юл хуҗалыгы министры вазифаларын башкаручы Любовь Минакова.