Башкортстанның 30 эшкуары акчалата ярдәм алган

Агымдагы елның 10 аенда төбәк инжиниринг үзәге ярдәме белән төбәкнең 30 эшкуары 1 млн сумнан артык акчалата ярдәм алган. КУЭның биш субъектына патент тикшеренүләре уздыруда ярдәм итү буенча комплекслы хезмәтләр күрсәтелде, ә 25 эшкуарга – товар билгесен теркәү турында таныклык алуда ярдәм күрсәтелгән.

- "Кече һәм урта эшкуарлык һәм шәхси эшкуарлык инициативасына ярдәм" милли проектын гамәлгә ашыру кысаларында хезмәтләр КУЭ субъектлары өчен гомуми бәядән 90% ка кадәр финанслау шартларында күрсәтелә. Алынган сертификатлар һәм декларация продукциянең сыйфатын һәм кулланучылар өчен хәвефсезлеген раслый, бу компаниянең абруена уңай йогынты ясый һәм яңа партнерлар җәлеп итәргә мөмкинлек бирә, – диде БР эшкуарлык һәм туризм министры вазыйфаларын башкаручы Зөһрә Гордиенко.

РЦИ хезмәтләрен алучылар арасында-эшмәкәр Петр Горшков, ул бал кортларын үрчетү җайланмасына патент алган. Эшмәкәр Илүзә Мусина да программада катнашкан һәм сәнәгать үрнәгенә – универсаль комбинезонга хокукын теркәде. «Муравейник» торты рецептын - эшкуар Эльмира Рәфыйкова, ә «Курай» конфет формасын Виктория Хаҗиева патентлаган.