Студентлар "Бумбатл"га кушылды

Башкорт дәүләт аграр университеты студентлары «Экология» милли проекты кысаларында үткәрелә торган «БумБатл» макулатура җыю буенча бөтенрусия акциясенә кушылдылар һәм 2,5 тоннага якын кәгазь калдыкларын эшкәртүгә тапшырдылар. Бу хакта төбәкнең табигатьтән файдалану һәм экология министрлыгы хәбәр итә.

-Бер көн эчендә безнең студентлар 2,5 тоннадан артык макулатура җыйдылар һәм эшкәртүгә җибәрделәр. Укытучылар һәм студентлар, әйләнә-тирә мохит алдында үз җаваплылыкларын күрсәтеп, гаять активлык күрсәттеләр. Бу аеруча мөһим, чөнки экология темасы киләчәк буын белән тыгыз бәйләнгән. Шунысы куандыра, университет мәйданчыгы рациональ куллануга һәм табигатькә аңлы мөнәсәбәткә өйрәтү өчен менә дигән урынга әверелә, - ди Башкорт дәүләт аграр университетының административ-хуҗалык эше буенча проректоры Радик Мостафин.

Фото: contenta.info