Бу гаилә салатлар ясап сата

Эшкуар гаилә – Рамил һәм Маргарита Гуловлар җитештерүне киңәйтү идеясе белән Благовещенск районы хакимиятенә “Эшкуарлык сәгате”нә мөрәҗәгать иткәннәр.

Хакимият белән берлектә алар бина сайлаганнар, ә Рамил 400 мең сум күләмендә муниципаль финанс ярдәм алу конкурсында катнашкан. Бу акчаларга әзер ризыкларны төрү өчен корылма сатып алганнар. Бу аларга яңа юнәлеш – кейтерингны эшләтеп җибәрергә һәм Gulov-food брендын булдырырга мөмкинлек биргән.

Гуловлар 2017 елда бизнес белән шөгыльләнә башлый. Алар салатлар әзерләү һәм сату эшенә тотыналар. Маргарита ризык әзерләүне үз өстенә ала, ә Рамил продукцияне сатуга чыгару белән шөгыльләнә, нәтиҗәдә хезмәткәрләр штаты һәм клиентлар саны арта бара. Югары сыйфат, профессиональ эшләү һәм үҗәтлек үз җимешләрен бирә.

Бүген Gulov-food сатып алучыларны сөендерүне һәм җитештерү күләмнәрен арттыруны дәвам итә. Компания шулай ук федераль сәүдә челтәрләре белән хезмәттәшлек итүне планлаштыра.

“Эшкуарлык сәгате” – ул Башкортстанның ил җитәкчесе Владимир Путин тарафыннан билгеләнгән "Кече һәм урта эшкуарлык" милли проекты кысаларында гамәлгә ашырыла торган нәтиҗәле тәҗрибәләренең берсе, ди эшкуарлык һәм туризм министры вазыйфаларын башкаручы Зөһрә Гордиенко.

– Мондый очрашулар эшкуарларга үз бизнес-идеяләрен үстерергә һәм эшчәнлекләренең һәр этабында ярдәм алырга булыша, – диде ул.