Санлы грамоталылык һәм киберхәвефсезлек буенча укулар узачак

Башкортстан укучылары санлы грамоталылык һәм киберхәвефсезлек буенча укулар узачак Башкортстан укучылары «цифрлы ликбез» проекты кысаларында санлы грамоталылык һәм киберхәвефсезлек буенча онлайн-укыту уза алачак, гади электрон имза ярдәмендә керү мөмкинлекләрен һәм мәгълүматларны яклау турында беләчәк.

Яшь буында әлеге күнекмәләрне үстерү Русиядә санлы иминлекне тәэмин итүгә һәм квалификацияле ИТ-кадрлар әзерләүгә юнәлдерелгән «Санлы икътисад» милли проекты бурычларына туры килә. «Санлы ликбез» Бөтенрусия мәгърифәтчелек проектының яңа сезонына старт бирү белем дәрәҗәсен күтәрергә мөмкинлек бирәчәк, имин санлы мохит булдыру өчен шартлар тудырачак, анда һәркем үз хокукларын һәм мәнфәгатьләрен яклый алачак.

Проект 12+ яшь категориясендәге укучылар өчен, ата-аналар яки педагоглар белән карарга тәкъдим ителгән. Ул педагоглар өчен методик материалларны үз эченә ала, алар ОБЖ, информатика дәресләрендә яки ата-аналар җыелышларында уку процессына видеороликларны нәтиҗәле интеграцияләргә ярдәм итәчәк.