Концертка рәхим итегез!

Яңавылның Үзәк район китапханәсендә Виртуаль концерт залы ачылды.

   “Русия Президенты Владимир Путин кушуы буенча эшләнгән “Мәдәният” милли проекты кысаларында ачылган концерт залы китапханәнең икенче катында урнашкан, анда берьюлы 50 тамашачы концерт тыңлап хозурлана ала. Залда заманча мультимедия, тавыш һәм видео җиһазлары урнаштырылган. Алар ярдәмендә филармонияләр концерт программаларын трансляцияләү мөмкинлеге бар. Боларны китапханә федераль казнадан бүленгән акчаларга сатып алган.

   Ачу тантанасына актив укучылар, мәктәп укучылары, шәһәрнең Балалар сәнгать мәктәбе укытучылары килде.