"Агротуризм" чәчәк атар

 «Кече һәм урта эшкуарлык һәм шәхси эшкуарлар инициативасына булышлык итү” милли проекты кысаларында үткәрелгән чаралар эшкуарлык субъектларын үстерүгә,  аларга бизнес алып баруның бөтен этапларында ярдәм күрсәтүгә юнәлтелгән.

Яңавыл районынның башлап эшләгән һәм тәҗрибәле эшкуарлары район җитәкчелегендә узган эшкуарлык сәгатендә катнаша. Уртага салып проблемаларны һәм аларны хәл итү юлларын сөйләшә.

Азамат Зарипов эшкуарлык сәгатендә үзенең «Агротуризм» проектын тәкъдим итте. Ул 25 гектар биләгән туристик зонаны  Яңавыл районының Прогресс авылы янында ачарга ниятли. Хуҗалыкта умарталык, мал тотар урын һәм күл бар.

-Табигате бик матур, шуңа күрә биредә ял итү йортлары төзисе килә. Күл буенда апидомиклар урнаштырырга, хайваннар ихатасы булдырырга теләк бар, - ди ул.