Картаерга ашыкмагыз!

Тәтешле районында күчмә күп функцияле мәдәни үзәк гастрольләрдә йөри.

«Мәдәният» милли проектының «Мәдәни мохит» төбәк проектын гамәлгә ашыру кысаларында Тәтешле районында күчмә күп функцияле мәдәни үзәк – төбәкара мәдәният үзәге Автоклубы актив гастрольләрдә йөри. 2 октябрь көнне аның катнашында Кардагыш авылында Өлкәннәр көненә багышланган «Картаябыз инде димәгез» дип аталган бәйрәм концерты узды. Өлкән буын вәкилләренә музыкаль котлаулар автоклуб артистлары әзерләгән иде.

Бәйрәмдә авылның киң урамында күңел җылысы һәм шатлык атмосферасы хөкем сөрде. Әбиләр һәм бабайлар бер-берсе белән аралаша, шатлыкларын уртаклаша алдылар. Бәйрәм күңелле булды.