Бизнесны киңәйтергә мөмкин

Агыйдел эшкуары Рәисә Галиева «Кече һәм урта эшкуарлык» милли проекты ярдәме белән «Каскад» тышкы реклама җитештерү цехын ачкан.

«Без әле эшли генә башлаганда, безнең икеләнүләр һәм кыенлыклар күп иде, ләкин без алган ярдәм безгә үсеш өчен кирәкле этәргеч бирде. Хәзер без клиентларыбызга югары сыйфатлы продукция тәкъдим итә алуыбыз белән горурланабыз», — диде Рәисә Галиева.

Финанс ярдәме белән эшмәкәр биналар, шулай ук кирәкле җиһазлар сатып алган. Бу цехны баннерлар, витрина наклейкалары, яктылык вывескалары һәм күләмле хәрефләр җитештерә торган заманча машиналар белән җиһазландырырга мөмкинлек биргән.