Акыллы яшьләрдән акыллы юллар!

Булдырырлар!

Дөнья дәрәҗәсендәге Евразия НОЦ вузара кампусының яшь галимнәре «акыллы» юл инфраструктурасы белән автомобиль арасында энергия нәтиҗәле элемтәне тәэмин итү өчен технологияләр һәм алгоритмнар эшли. Бу фәнни эшләр «Фән һәм университетлар» гомумдәүләт проекты максатларын тормышка ашыру кысаларында алып барыла, дип хәбәр иттеләр Башкортстанның Фән һәм мәгариф министрлыгында.

«Фән һәм университетлар» милли проектының төп максаты - Россияне өстенлекле өлкәләрдә эшләнмәләр буенча дөнья лидерлары бишлегенә чыгару. Шул максаттан галимнәргә илебездә яшәргә һәм эшләргә уңайлы шартлар тудырыла, шулай ук фәнне популярлаштыруга, бу өлкәгә яшьләрне җәлеп итүгә зур игътибар бирелә.