“Биредә 462 спектакль уйналды...”

   Башкорт дәүләт курчак театры 93 нче сезонын ача. Быел яңартылган, заманча һәм уңайлы бинада, дип ассызыклады төбәк җитәкчесе Радий Хәбиров үзенең телеграмм- каналында.

  «2023 елның декабреннән бирле биредә 462 спектакль уйналды, аларны 81 149 тамашачы карады, — дип ачыклык кертте ул. -  Нәкъ менә шул вакытта артистлар масштаблы реконструкциядән соң беренче спектакль куйдылар.  Без аны «Мәдәният»  милли  проекты буенча уздырдык”.

 Яңа сезонда премьералар, республика буйлап гастрольләр, фестивальләр булачак. 26-29 сентябрьдә Уфада Сергей Образцов исемендәге легендар дәүләт академия үзәк курчак театрын гастрольгә көтәләр. Аның артистлары Башкорт дәүләт курчак театрында Алтын фондтан берничә спектакль күрсәтәчәк.