Китапханәдә концерт карарга мөмкин

Дүртөйле районы үзәк китапханәсе «Мәдәният» милли проектының «Санлы мәдәният» федераль проекты кысаларында Русия шәһәрләрендә виртуаль концерт заллары булдыруга федераль бюджеттан субсидияләр бирү буенча Русия Федерациясе субъектларын сайлап алу конкурсында җиңүче булды.

Виртуаль концерт залы - масштаблы проект, онлайн-трансляцияләр системасы. Ул реаль вакыт режимында иң яхшы концертларны карарга һәм тыңларга мөмкинлек бирә. Тамашачыда концертта булу тойгысы тудырырга мөмкинлек бирә торган җиһазлар сатып алуга 600 мең сумнан артык акча бүлеп бирелгән.